SCRAPBOOK: LIBRO DE RECORTES

Bonitos libros, tarxetas, albums...... feitos con recortes e materiais que podemos aproveitar ou que temos na casa e no cole. É o scrapbooking. 

Este video amosa  realización dun traballo  con esta técnica e da ideas para futuros proxectos. Só queda deixar voar a imaxinación.

   

Mais manualidades? Nesta canle de video  hai moitas para escoller.

MANUALIDADES FÁCILES E DIVERTIDAS

TRABALLO DE CICLO: CONSTRUCIÓN DUNHA MAQUETA

Para completar os contidos traballados ao longo do segundo e terceiro trimestre, no Segundo Ciclo planificouse a construción da maqueta dunha vila. Nenas e nenos de terceiro e cuarto realizaron un traballo conxunto no que tiveron que observar o seu entorno, utilizar as súas habilidades artísticas e demostrar os coñecementos  das distintas areas. 

Conversaron, recortaron, pintaron, mediron, discorriron, déronlle voltas aos miolos, colaboraron, buscaron solucións....... Finalmente o proxecto foi tomando forma, para rematar convertindose nunha obra da que todas e todos se sentiron  orgullosos. ¡E é para estalo!


 

OS NOSOS AUTORRETRATOS: ASÍ SOMOS, ASÍ NOS VEMOS

ÁRBORES XENEALÓXICAS

Curmán, bisneto, madriña, bisavoa.... son palabras se refiren a membros das familias. Xunto con outras, forman parte do vocabulario da familia que andamos a traballar.

Para comprender mellor os parentescos e as relación familiares fixemos árbores xenealóxicas.

XOGOS CON OBXECTOS DE BARRO

Participamos no proxecto sobre a olería e cos compañeiros de cuarto buscamos información e redactamos textos. Coas aportacións de tódolas compañeiras e compañeiras construimos a wiki "ACHEGÁMONOS Á OLERÍA".
Descubrimos que esta actividade é moi importante para ser humano dende a súa aparición, e tamén que esta presente na cultura popular: vocabulario, en xogos, cantigas, refráns.... 
Investigamos e atopamos que os xogos máis coñecidos son a piñata, as bólas e o de urrar as olas. Para ilustrar os textos, realizamos uns debuxos ben bonitos, cos que agora tamén podemos xogar.

URRAR AS OLAS 

Debuxo realizado por Icía e Kevin

Ao facer clic enriba da imaxe convértese nun crebacabezas

A PIÑATA
Debuxo realizado por Leticia e Yeneva

Ao facer clic enriba da imaxe convértese nun crebacabezas

AS BÓLAS

Debuxo realizado por Anxo e Carla

 

Ao facer clic enriba da imaxe convértese nun crebacabezas

TARXETAS DE NADAL

Estas son as tarxetas que as nenas e nenos de terceiro fixeron para desexarlle o mellor ás persoas que queren.

  

OBRADOIRO DE CESTERÍA

Andamos ás voltas coas nosas cestas e cestos. Primeiro dobramos as tiras e logo fomos montando, facendo un entramado: unha por arriba, outra por abaixo, outra por arriba.......A cousa non é difícil, pero leva un pouco de traballo. Menos mal que o facemos por parellas, e así resulta máis doado. Ao final faremos unha exposición con todas as que se fagan. ¡Xa veredes que chulas quedan!

PERCEPCIÓNS DIFERENTES

Coas mesmas pezas, realizáronse imaxes totalmente diferentes: Nove visións diferentes. Cada quen imaxina as cousas como lle peta.