ARQUITECTURA: OS PAZOS DE SALVATERRA DE MIÑO

FAcendo clic enriba da imaxe accédese ás fichas informativas realizadas polas nenas e os nenos de cuarto sobre os pazos que aínda existen en Salvaterra.

COMO TRABALLAMOS NAS NÓSAS HORTAS?

Investigamos para contarlle ás compañeiras e compañeiros como facemos na nosa casa para traballar a horta, que produtos plantamos e cultivamos, as ferramentas que utilizamos..... e moitas máis cousas.

EXPERIMENTANDO: AS PLANTAS NECESITAN AUGA E LUZ

Imos comprobar que aire e luz son imprescindibles para as plantas a través dunha experiencia práctica.
Necesitaremos

- 3 plantas en macaetas	- bolsas con peche de cremalleira ou zip
- caixa de cartón	- ficha para anotar observacións

1- A primeira planta introdúcese dentro da caixa de cartón e tápase, deixando que entre o aire pero non a luz.
2- A segunda planta métese dentro da bolsa e péchase.
3- A terceira planta utilízase para comparar a evolución das outras dúas.
4- Revisar cada dous ou tres días e anotar as observacións nunha ficha.

COMER CON PALILLOS

Investigamos sobre diferentes formas de comer e de comportarse na mesa ao longo do tempo. Antes  usábanse as mans pero agora utilizamos obxectos máis refinados, como garfo, culler ou palillos. Con este este video podemos  practicar o uso destes utensilios de orixe asiático. Ánimo, que non é tan dificil como parece. Seguron que pronto estaredes listos para ir comer a unha casa de comidas xaponesa.

CIENCIA NO COLE

Hoxe visitounos Laura, unha investigadora do CSIC (Consello Superior de Investigacións Científicas) que traballa no Instituto de Investigacións Mariñas en Vigo.

Veu  a explicarnos que a Ciencia está presenta nas nosas vidas de xeito cotiá, aínda que non nos demos de conta. E para comprobalo fixemos a extracción do ADN das células dun plátano, usando materiais que todos temos na casa.

Contounos en que consiste  o seu traballo e que para os seus experimentos e investigacións utiliza uns peixes pequenos que se chaman "peixes cebra". É díxonos que estaba moi contenta de vir ao CEIP de Leirado porque este foi o cole onde estudou toda a primaria ¡Igualiño que nós!

Escoitamos atentamente o que nos dixo. Logo puxémonos máns ao traballo, seguindo as instrucións con precisión para conseguir que o experimento rematara con éxito. Houbo que armarse de paciencia pero ¡conseguímolo!

Gustounos moito e pasámolo moi ben. Isto da ciencia non é tan serio como parece. Seguro que repetiremos.

Con esta experiencia aprendimos que a Ciencia non é cousa de persoas raras; as científicas e os científicos son persoas normais coma todos. Só é preciso estudar moito, ter curiosidade, paciencia e ser perseverantes.

 Moitas grazas, Laura, pola túa atención e o rato tan agradable que pasamos xuntos.

 Máis información premendo na imaxe.

INVESTIGANDO SOBRE O CALENDARIO

A través do Proxecto Anual MatematicaMente fomos descubrindo a importancia das matematicas para os seres humanos, da que hai constancia ao longo da historia da humanidade. Como traballo de investigacion as nenas e nenos de 3º realizaron un traballo sobre o calendario. En primeiro lugar buscaron información sobre esta unidade de medida do tempo para redactar textos informativos.
Posteriormente  realizaron unha presentacion con toda a información adquirida.
Utilizaron o procesador de textos o que lles facilitou moito a realización desta tarefa. Logo aprenderon a utilizar o programa PowerPoint para realizar a presentación. O resultado foi un traballo co que conseguiron moitas aprendizaxes e que resultou moi ameno e divertido.

O calendario

More presentations from axanelaaberta

COMO VER OA ECLIPSE DO DÍA 20 DE MARZO

Para ver unha eclipse hai que ter moito coidado, xa que os raios do sol son prexudiciais para os nosos ollos. Non se debe observar directamente o sol, xa que se poden producir lesións na córnea ou queimaduras na retina. Hai que utilizar gafas de eclipse ou telescopios con filtros que eliminan as radiacións solares prexudiciais.

Unha forma segura para observala na casa e ver a súa imaxe proxectada sobre unha superficie na sombra. Para isto hai que seguir estes pasos:

1.- Coller unha folla de papel e debuxar no centro unha circunferencia de 1 centímetro de diámetro (a ver, a ver.... repasando as mates, que xa vimos o que era o diámetro).

2.- Recortar a circunferencia co moito coidado.

3.- Colocar a folla no camiño do raio do sol.

4.- Observar a imaxe que se vai proxectando sobre a parede, o chan, unha pantalla.......

Imaxe atopada en  http://www.xataka.com/otros/como-ver-el-eclipse-solar-del-20-de-marzo

Neste enderezo poderemos seguir en directo a evolución do eclipse no noso país.

A eclipse dendo o Instituto Xeográfico Nacional

¿QUE É UNHA ECLIPSE?

Unha eclipse é un fenómeno astronómico que se produce cando a  lúa se interpón entre o sol e a terra, ou tamén cando a terra se interpón entre o sol e a lúa.

AS MATEMÁTICAS E O NOSO CORPO

A través desta explicación, Lara, Brian, Alexandre e Saray axúdannos a que poidamos facernos unha idea do tamaño do intestino delgado.

 

O MICROSCOPIO: UNHA APROXIMACIÓN Á CIENCIA

As nenas e os nenos de terceiro descubriron o microscopio, esa ferramenta que permite ver cousas moi, moi pequenas. Observaron as células dunha pel de cebola e do petalo dunha flor e descubriron que alí dentro, ben agochadiña estaba a xeometría: rectas, rectas paralelas e perpendiculares, esferas, hexágonos........ ¡¡¡Alí tamén había matemáticas!!!
Logo, como autenticos científicos, realizaron fichas nas que anotaron as súas impresións e debuxaron o que viron a través do obxectivo.

 
Esto foi o que viron

VIVIMOS AQUÍ

Desta volta, como tarefa de "Vivir Xuntos", todo o cole tivo que elaborar fichas informativas sobre o lugar onde vivimos e sobre os sitios do concello que nos resultas especiais. 

Facendo clic enriba da imaxe do concello de Salvaterra de Miño, poderás ver as que nós fixemos.

APRENDEMOS COUSAS SOBRE O KIWI

Seguindo co programa ALIMENTA-TE BEN, agora imos aprender máis cousas sobre as froitas que comeremos durante esta semana.

O kiwi é unha froita exótica, cunha misteriosa orixe, que non pode faltar na nosa dieta, xa que nos proporcionará moitas proteinas, vitaminas e minerais. 

Picando na imaxe, poderás ler unha ficha informativa.

Nestas páxinas accederás a máis información e a actividades que te axudarán a coñecer mellor este froito.

¿QUE FACEMOS CO LIXO?

A basura que producimos os seres humanos esta a converterse nun problema para a natureza. Compre que aprendamos como facer para mellorar esta situación.