OPERACIÓNS COMBINADAS

 Para practicar, lembra a orde de operacións:

         1º.- Facer as multiplicacións

         2º.- Despois facer as sumas e restas.

Se na operación hai parénteses:

1º.- Resolver as operacións que hai dentro dos paréntes

2º.- Resolver o resto.

Operaciones combinadas I

More presentations from tonia

VENRES 17 DE FEBREIRO: UN DÍA FANTÁSTICO

Hoxe, na hora deler, recibimos a visita da mamá de Carlos. Veu compartir con nós a lectura do libro "Catro cascarolos". Coñecimos a historia de catro caracois que tiverln que buscar un novo lugar para vivir cando os humanos cubriron de lousas o parque onde vivían.

FAI CLIC AQUÍ PARA SABER MÁIS

Por se esto non fora suficiente, despois asistimos a unha charla sobe a Linguaxe de signos, a linguaxe que as persoas xordas utilizan para comunicarse.

FAI CLIC AQUÍ  PARA SABER MÁIS

Realmente foi un día extraordinario.

VIAXE A COMPOSTELA

Realizamos unha viaxe ata Santiago, para camiñar pola Via da Prata, visitar a Catedral e coñecer esta cidade que é a meta de todos os camiños.

Previamente buscamos información e planificamos a viaxe para que todo saira á perfección. Aqui podese ver unha mostra do traballo realizado.

Tamén realizamos entrevistas a persoas que acababan de rematar o camiño, para coñecer as súas impresións.




FAI CLIC AQUÍ PARA VER O ÁLBUM DE FOTOS COMPLETO

ANTES DE INICIAR O CAMIÑO HAI QUE INFORMARSE BEN

Traballamos en colaboración coas nena e nenos de terceiro para realizar un traballo de busca de información previa sobre o Camiño de Santiago. Á nosa clase informouse sobre aspectos relacionados coa planificación da viaxe: etapas, aloxamento, preparación da mochila.......Os resultados plasmáronse nuns orixinais murais que se poden ver no corredor.

  

SCRAPBOOK: LIBRO DE RECORTES

Bonitos libros, tarxetas, albums...... feitos con recortes e materiais que podemos aproveitar ou que temos na casa e no cole. É o scrapbooking. 

Este video amosa  realización dun traballo  con esta técnica e da ideas para futuros proxectos. Só queda deixar voar a imaxinación.

   

Mais manualidades? Nesta canle de video  hai moitas para escoller.

MANUALIDADES FÁCILES E DIVERTIDAS

INVESTIGANDO SOBRE O CALENDARIO

A través do Proxecto Anual MatematicaMente fomos descubrindo a importancia das matematicas para os seres humanos, da que hai constancia ao longo da historia da humanidade. Como traballo de investigacion as nenas e nenos de 3º realizaron un traballo sobre o calendario. En primeiro lugar buscaron información sobre esta unidade de medida do tempo para redactar textos informativos.
Posteriormente  realizaron unha presentacion con toda a información adquirida.
Utilizaron o procesador de textos o que lles facilitou moito a realización desta tarefa. Logo aprenderon a utilizar o programa PowerPoint para realizar a presentación. O resultado foi un traballo co que conseguiron moitas aprendizaxes e que resultou moi ameno e divertido.

O calendario

More presentations from axanelaaberta

O SABOR DA AVENTURA ESTÁ NO MAR!

Este ano o noso cole volveu participar no programa "Alimenta-T ben" que, amais da froita, pernitiunos coñecer mellor un alimento de gran importancia para o noso desenvolvemento: o peixe.
Primeiramente recibimos a visita dos Arroases, que nos achegaron información sobre diversos aspectos e propiedades dos peixes e comprobaron o noso coñecemento sobre eles cunhas divertidas actividades.
Como remate da actividade o 28 de Abril visitamos o porto pesqueiro de Vigo e o Museo do Mar. Non puidemos ver a subasta de peixe porque xa rematara. ¡Mágoa! aínda que algún resto da actividade quedaba polo chan. Fixemos un percorrido polas instalacións e de novo ao autobús que nos levou ao Museo do Mar. 
Alí impresionounos o acuario que, aínda que pequeno, reproducía o ecosistema da ría de Vigo. Tamén observamos un curioso submarino e traxes de submarinista antigos. Para rematar invitáronnos a xantar uns pratos elaborados con peixe, que estaban deliciosos: sopa de peixe e fideguá de mexilóns. Un iogur de postre, e de volta para casa. 
A comida estaba ¡¡boííííííísima!! e permitiunos descubrir que comer peixe é san, rico e divertido e non ten por que ser sempre  frito ou cocido.

Para recordar,  un video do acuario e fotos da visita.

BATIDO DE MAZÁ E MANDARINA: A RECEITA

Como o prometido é débeda quí está a receita do batido por se alguén se anima a facelo na casa. As mandarinas e a mazá poden substituirse por calquera outra froita.  Ingredientes para 1 litro de  batido:

                  - azucre e xeo

Utensilios:

- balanza	- vaso ou xerra medidora
- coitelos	- expremedor
- batedor	- bol
- vasos	- palliñas

Elaboración:

1.- Cortar as mazás en cuartos, pelar e picar.
2.- Cortar as mandarinas á metade e expremer.
3.- Mesturamos a froita co resto dos ingredientes.
4.- Triturar co batedor ata que quede ben defeito
5.- Botar no vaso e servir cunha palliña.

COCIÑANDO PARA O COLE: BATIDO DE MAZÁ E MANDARINA

Dentro da actividade "Cociñando para o cole" as nenas e nenos de  terceiro e cuarto xuntáronse para elaborar entre todos  un saboroso batido de mazá e mandarina, que logo repartiron entre todas as nenas e nenos dos demais cursos. Facelo resultou moi doado, e estaba moi riquísimo. 


Por se alguén se anima a repetilo máis adiante se publicará a receita.

Nesta presentación poden observarse os distintos pasos do proceso.

PRACTICANDO A DIVISIÓN

Veronica e Juán practican a división por unha cifra.

O MICROSCOPIO: UNHA APROXIMACIÓN Á CIENCIA

As nenas e os nenos de terceiro descubriron o microscopio, esa ferramenta que permite ver cousas moi, moi pequenas. Observaron as células dunha pel de cebola e do petalo dunha flor e descubriron que alí dentro, ben agochadiña estaba a xeometría: rectas, rectas paralelas e perpendiculares, esferas, hexágonos........ ¡¡¡Alí tamén había matemáticas!!!
Logo, como autenticos científicos, realizaron fichas nas que anotaron as súas impresións e debuxaron o que viron a través do obxectivo.

 
Esto foi o que viron

XOGANDO COS NOSOS RECUNCHOS

 Agora toca divertirse. Además de investigar sobre os nosos lugares preferidos, tamén se pode xogar con eles. Ao facer clic enriba dunha imaxe, esta converterase nun puzzle que hay que recompoñer.

¡Ánimo, que é moi doado!

O PORTAL DA INQUISICIÓN	O PAZO SAN MAURO	A MURALLA
A QUINTA DE TEÁNS		A FESTA DA SEMENTEIRA

COÑECENDO O FESTIVAL DE CANS

O pasado día 22 de Maio as nenas e nenos de cuarto viaxaron ata a parroquia de Cans, en O Porriño, para coñecer o Festival de Cans. Alí tiveron contacto co mundo do audiovisual, que non lles resulta de todo descoñecido despois da experiencia que tiveron gravando "Ernesto bo día". A crónica desta viaxe pódese ler Na nube da Lingua.

LETRAS GALEGAS 2014: XOSÉ MARÍA DÍAZ CASTRO

En A Nube da Lingua atopamos información e actividades que nos permiten coñecer aspectos da vida e da obra do autor homenaxeado durante o ano 2014.

Para acceder aos recursos hai que premer enriba das imaxes.

A vida	A obra
Actividades	Todos os recursos

FIXEMOS O PROGRAMA DE RADIO DO MES DE MARZO

Hoxe, por fin, emitiuse o programa de radio que levamos preparando dende hai varios días. 
Quixemos dedicalo aos servizos públicos, ao correo e ao día da muller traballadora. Por iso escollimos como protagonista a Mari Luz, a nosa carteira, porque ela é muller traballadora, traballa nos servizos públicos e é a que reparte as cartas que veñen e van.
Preparamos a entrevista que lle fixemos, redactando nós mesmos as preguntas. Tamén fixemos o guión do programa e repartimos as tarefas que debía facer cadaquén.
Todo isto foi posible porque traballamos aplicando estruturas de aprendizaxe cooperativa, e somos capaces de debater e chegar a acordos, aínda que ás veces discutimos un pouco máis da conta. Pero ao final sempre acabamos ben.
Tamén seleccionamos algunhas das melodías que se escoitan, practicamos e fixemos probras para que todo saíra perfecto no momento da gravación. Investigamos, redactamos, esforzámonos, aprendimos e divertímonos.
Este foi o proceso


E este é o resultado do noso traballo, que se pode escoitar ao picar na imaxe.

ASÍ CELEBRAMOS O ENTROIDO

Na Nube da Lingua podemos ver imaxes da celebración do noso entroido. Fai clic enriba de Pacho para enlazar.

ESCRIBINDO CARTAS Á LUA

Despois de ler o libro "Cos ollos na Lúa" decidimos que tamén queriamos mandarlle mensaxes á lúa. Aquí están as cartas que cada un de nós redactou. ¿Chegarán ao seu destino?

A CORRESPONDENCIA: O SOBRE

Unha vez que xa rematamos a carta só nos queda enviala. Para eso necesitamos un SOBRE.

O sobre é o envoltorio que protexe a carta e impide  que se poida ler o seu contido. Na parte exterior do sobre poñemos os datos que farán que a carta chegue ao seu destino. 

¡Para que chegue onde ten que chegar é importantísimo poñer os datos correctamente, ben clariños e no lugar axeitado!

Introducimos a carta no sobre, botámola no buzón e ........ ¡COMEZA A SÚA VIAXE!

DÍA DA PAZ: CARTAS AMIGAS

E chegou o gran día! Cada un de nós recibíu un sobre. No seu interior, fermosas  palabras de amizada e amor, de paz.

Foi moi emocionante recibir estas cartas, e saber quen nos escribíu. Tamén nos gustou saber a quen lle chegaron as que nós escribiramos.

2013/2014:CartasAmigas-lectura

Máis información na Nube da Lingua

APRENDEMOS COUSAS SOBRE O KIWI

Seguindo co programa ALIMENTA-TE BEN, agora imos aprender máis cousas sobre as froitas que comeremos durante esta semana.

O kiwi é unha froita exótica, cunha misteriosa orixe, que non pode faltar na nosa dieta, xa que nos proporcionará moitas proteinas, vitaminas e minerais. 

Picando na imaxe, poderás ler unha ficha informativa.

Nestas páxinas accederás a máis información e a actividades que te axudarán a coñecer mellor este froito.