A CADELIÑA ASTRONAUTA Conto para escoitar

Conto para escoitar, baseado na historia de Laika. Para seguir a historia hai que escoitar os capitulos de xeito ordenado. Cada capítulo ten unha duración aproximada de cinco minutos.

A CADELIÑA ASTRONAUTA (Cap. I)

A CADELIÑA ASTRONAUTA (Cap. II)

A CADELIÑA ASTRONAUTA (Cap.III)

A CADELIÑA ASTRONAUTA (cap.IV)

FAMILIAS LECTORAS: A VODA DOS RATOS

—Non vas casar cun rato negro, feo e fraco coma un fiúncho. Ti tes que casar co máis forte do planeta, e ese non o é –dixo sinalando cara ao rato.
 
Así lle responde o emperador dos ratos a súa filla cando lle presenta ao seu amado, un rato gris, case negro, e fraco coma un fío. 
O emperador prohíbelles que se volvan ver, como se puidera mandar sobre o corazón da ratiña igual que manda sobre os soldados do seu exército. 
Ademais toma a decisión de buscar un noivo axeitado para a súa filla, pero ela so desexa casar co seu namorado.

Con Rita, a nai de Leticia, fomos camiñando paso a paso polas páxinas do conto "A voda dos ratos". Esta historia, lémbranos que o cariño e os afectos non se poden impoñer e que ninguén, nin siquera o emperador dos ratos, pode decidir o destino  dos demais.


Pasamos un momento moi agradable. Para acabar, Rita lembrounos que TODO o verdadeiramente importante está dentro do noso CORAZÓN.

AGORA CONTAMOS NÓS: ¿QUEN ME QUERE ADOPTAR?

Aurora, a mamá de Mara, veu ao cole para ler o libro "Quen me quere adoptar", que conta a historia de Manuel, un mestre xubilado que vive co seu gato e rodeado de libros. 
Ás nenas e nenos de segundo ciclo gustoulle tanto que se animaron a contala  de novo diante da cámara. Esperamos que vos guste.

ÁRBORES XENEALÓXICAS

Curmán, bisneto, madriña, bisavoa.... son palabras se refiren a membros das familias. Xunto con outras, forman parte do vocabulario da familia que andamos a traballar.

Para comprender mellor os parentescos e as relación familiares fixemos árbores xenealóxicas.