24 de xaneiro de 2013

PARA A PAZ ¡¡POESÍA!!

Un fermoso poema que fala de amizade entre  nenas e nenos do mundo.

                                       CANTAROLA DOS NENOS 

Amiguiños todos,
 amiguiños xa,
 os nenos de aquí,
 e os nenos de alá.

Cantarola nosa
de amor e de paz.
Leda cantarola,
ledo rebuldar.
Os nenos do mundo
 todos a cantar
 a unha mesma voz
 collidos da man.

Rolda de sorrisos
dende mar a  mar,
corazóns abertos,
ollos de amigar.

Amiguiños todos,
amiguiños xa,
os nenos de aquí
e os nenos de alá. 

                                                                                                                                                                            Xosé Neira Vilas


O grupo Na Virada púxolle música ao poema de Neira Vilas para que o poideramos cantar. 

Ningún comentario:

Publicar un comentario